Ex-Minister Plenipotenciario Guillfred Besaril ta kita como un ambtenaar, despues di e fechorianan cu el a haci na Arubahuis. Pero Besaril tin oportunidad pa defende su mes y ta bay den landsbesluit.
Minister di Asuntonan Economico, Comunicacion y Desaroyo Sostenibel, mr. Geoffrey Wever, ta lamenta cu loke a pasa den caso di ex-Minister Plenipotenciario Guillfred Besaril. Di loke a scucha dje investigacion, e manehonan ey ta cuestionabel. Ta lamenta cu un persona den poder ta haci esey y asumiendo cu nan por ta proba tambe.
E mandatario a indica di lamenta esey. E ta kere cu a tuma e pasonan corecto den e situacion aki. Besaril a haya su retiro como ambtenaar y awo tin di bringa esey den ambtenarenzaken. Tin e parti penal ta andando. Internamente gobierno a tuma e pasonan necesario.
Wever sa cu tin hopi discusion politico over esaki. Pero e ta haya cu e pasonan necesario ta tuma. E proceso ta canando y awo Besaril mester haya e oportunidad pa defende su mes. Pero tur responsabilidad di gobierno a termina e momento, unda el a haya su retiro como ambtenaar. E mester bay su caminda legal. E mandatario no a duna hopi informacion riba e caso di Besaril.
Besaril tin e oportunidad pa defende su mes, di cual e ta bay den bezwaar contra e landsbesluit y probablemente e lo defende su mes. Tin di dun’e espacio p’esey, pero gobierno a haci corecto di tuma accion. Awo e proceso legal mester cana y esey ta forma con pa atende cu esaki. Besaril no ta den funcion mas y lo mester mira kico ta e resultado den e forma hudicial.
