Edward “Echi” v/d Biezen a lansa su prome tema pa 2023. E biaha aki probechando e temporada di Carnaval pa graba un ‘Roadfire’ cu ya caba ta den circulacion.
Un tema cu ta un composicion y melodia di e conocido cantautor Kendrick Maxwell cu alabez a conta cu e asistencia di Edward v/d Biezen mes. E areglo musical tabata den man di Dwight Leoneta [Buleria], e liña di e parti ritmico manera entre otro drum tabata den man di Xemio Jacobs cu tambe a mescla y masteriza e tema den su totalidad. Grabacion di piano y contrabaho/bass tabata den man di Denny Loefstop y tur loke ta instrumento di biento, trompet y trombone tabata graba pa Dennys Zavala. Edward a graba su stem den studio Frederik “Proffesor” Bernabela cu alavez a percura pa hinka den otro su video corespondiente.
“Candela Grr..!” ta ranca sali agresivamente for di e prome tono, esaki sigur ta identifica loke Echi mes sa haci den temporada di Carnaval y specialmete den parada.
