fbpx
March 21, 2023

Hulanda a duna Aruba luz berde pa debolbe recorte di salario

Share on Facebook
Share on Whatsapp
0
0
Hulanda a duna Aruba luz berde pa debolbe recorte di salario
Hulanda a duna Aruba luz berde pa debolbe recorte di salario


Diabierna merdia a termina e reunion di Conseho di Minister di Reino (Rijksministerraad) den Hof na Den Haag, Hulanda caminda decision a cay cu, tras e ultimo desaroyonan, Aruba ta den condicion pa debolbe e recorte di salario na empleadonan publico. Esey ta loke a keda anuncia pa e propio Secretario di Estado, drs. Alexandra van Huffelen na salida di e encuentro den cual Minister Plenipotenciario, Juan Ady Thijsen tabata presente. Esaki a duna credito na e bon gobierno di Gabinete Wever-Croes II y parlamento di Aruba.

Van Huffelen a declara cu door cu e islanan ya no tin mester mas di sosten di likides y a introduci e Normering Topinkomers (Evelyn Norm), por stop cu e recorte di salario. E secretario di estado ta spera cu e cambio aki ta trece alivio pa esunnan cu entrada mas abou den aparato publico y hacie mas facil pa afronta e efectonan di inflacion cu ta azota e paisnan den Reino. Mas aleu, van Huffelen a indica cu, aunke anteriormente a reduci e recorte pa empleadonan publico, awo e ta conta tambe minister y parlamentario y e condicionnan ta duidelijk.

 Di su bana, Minister Plenipotenciario Thijsen a comparti e satisfaccion di e mandatario Hulandes indicando cu e reunion a bay hopi bon y lihe, cu e conseho di minister aprobando tur propuesta. “Mare e tabata bay asina semper,” el a expresa. Thijsen a indica di ta contento pa e empleadonan publico reconociendo e sacrificio grandi cu a haci pa para solidario cu e pueblo di Aruba. 

“Nos a pasa den un tempo fastioso, hopi malo. Mi por bisa bo cu aworaki cu esey ta tra’i lomba, Aruba ta bayendo bon danki na e bon trabou cu e gobierno ta haci hunto cu e parlamentarionan. Mi ta kere esey ta algo positivo, esey mi ta hopi contento cu ne tambe,” asina el a conclui su declaracion na 24ora.com.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.