24ora.com a manda reportero pa Den Haag Hulanda, pa cubri e reunion di conseho di minister di reino y decision riba recorte di salario di funcionarionan publico. A haci uzo di e oportunidad aki pa puntra Minister Plenipotenciario Ady Thijsen su reaccion riba e audio cu a lek di su persona haciendo remarkenan hoy skerpi den direccion di su antecesor y colega di partido MEP, Guillfred Besaril y tambe lider y Prome Minister Evelyn Wever-Croes. “Mi ta hay’e hopi vies, hopi lamentabel,” ta parti di e declaracion cu a logra capta a pesar di a nenga di duna declaracion directamente na 24ora.com.
Sinembargo a duna declaracion al respecto na un camarografo cu posibleente Arubahuis mes a contrata pa Thijsen contesta pregunta cu probablemente tabata prepara caba pa haci na su persona. Para na banda, e reportero di 24ora.com a graba toch e declaracion di Thijsen den cual ta lamenta e echo y a insinua 24ora.com di forma parti di e acto cu e mes a califica como castigabel. Mas aleu, el a pidi disculpa na e lider di MEP y a reafirma su confianza pleno den e integridad di Wever-Croes ayera, awe y den futuro.
Thijsen a bisa di ta lamenta hopi e lekmento di e grabacion pasobra e ta kere den e estado di derecho den cual cosnan asina no mag di pasa, splicando cu graba un hende sin su conocemento ta un acto castigabel. Fuera di esey, el indica cu ta trata di un expresion masa bieu; algo cu e lo a bisa aña pasa, rond di e luna di april/mei. Por ultimo, e ta kere cu a edita y/of altera e zonido pa altera su contenido y tur esaki ta haci pa un hende cu mala fe.
Pa e articulo completo, lesa edicion di TREMPAN
