E CPI pa luna di december 2022 ta 106.37, loke ta representa un caida di 0.1% compara cu e indice di november 2022 (106.49).
E cambio di e CPI p’e ultimo diesdos (12) lunanan (december 2021 te cu december 2022) ta 5.7%, un subida di 2.1 punto di porcentahe (ppt) compara cu e periodo corespondiente di aña pasa (3.6%). E promedio anual (ultimo 24 luna) di e indice di inflacion p’e periodonan di Januari 2021 te cu december 2021 y januari 2022 te cu december 2022 ta 5.5%, un subida di 4.8 ppt compara cu e 0.7% registra den e periodonan di januari 2020 te cu december 2020 y januari 2021 te cu december 2021.
Durante e luna aki, cuatro (4) di e diesdos (12) sectornan a registra caida di prijs. E caidanan cu tabatin e mayor efecto riba e CPI a registra pa e sectornan di “Transporte” (-2.2%) y “Mobilario” (-3.2%), causando un efecto di respectivamente, -0.32 y -0.29 ppt. E caidanan den e restante sectornan a contribui cu un efecto di -0.03 ppt riba e CPI di december 2022.
E caidanan aki a contraresta parcialmente door di principalmente subida den e indicenan di e sector di “Recreacion y cultura” (2.2%) y “Restaurant y hotel” (2.9%) cu a contribui cu un efecto di respectivamente, 0.21 y 0.13 ppt riba e CPI di december 2022. E subidanan den e restante sectornan a contribui cu un efecto di 0.19 ppt riba e CPI di december 2022.
E caida den e sector di “Transporte” causa principalmente pa un caida den e categoria “Gasto relaciona cu uso di vehiculo di transporte personal” (-3.8%), causando un efecto di -0.33 ppt.
E caida den e sector di “Mobilario” causa principalmente pa un caida di 9.0% den e categoria “Aparato pa uso domestico”, causando un efecto di -0.23 ppt.
E subida den e sector di “Recreacion y cultura” causa principalmente pa un subida di 5.9% den e categoria “Vacacion”, causando un efecto di 0.16 ppt. E subida den e sector di “Restaurant y hotel” causa principalmente pa un subida den e categoria “Cuminda pafo di cas” (1.9%), causando un efecto di 0.08 ppt.
Canasta di consumo
E canasta di consumo di e CPI ta consisti di 408 bienes y servicio. Compara cu november 2022, 43.6% di e bienes y e servicionan aki a conoce un aumento di prijs causando un efecto di 0.93 ppt, mientras cu 39.5% ta mustra un caida di prijs, cu a contribui cu un efecto di -1.04 ppt y pa e restante 16.9% no tabatin cambio den prijs. Prijs di bienes a baha cu 0.8% y a causa un efecto di -0.50 ppt. Prijs di servicio a conoce un subida di 1.0% y a causa un efecto di 0.39 ppt riba CPI di december 2022.
Core inflation
E CPIC (core inflation) – CPI excluyendo e efecto di energia y cuminda – a registra na december 2022 un subida di 3.0%. E indice di energia – cu ta consisti di e productonan: electricidad, awa, gasolin y diesel a registra un subida di 14.2%. E indice di cuminda a registra un subida di 10.5%.
Bestaansminimum
E bestaansminimum pa un hogar consistiendo di dos (2) adulto y dos (2) mucha (edad 0-15 aña) na december 2022 ta Afl. 5,376, un subida di Afl. 469 compara cu december 2021 (Afl. 4.907). E bestaansminimum pa un hogar di un (1) adulto ta Afl. 2,560, un subida di Afl. 223 compara cu december 2021 (Afl. 2,337).
CPI pa e periodo december 2021 – december 2022
Indice di Prijs di Consumo
Den e ultimo diesdos (12) lunanan, nuebe (9) di e diesdos (12) sectornan a registra subida di prijs. E subidanan cu tawata tin e mayor efecto riba e CPI registra pa e sectornan di “Vivienda” (12.1%), “Transporte” (11.2%), “Cuminda y bebida no-alcoholico” (13.3%) y “Restaurant y hotel” (8.7%), causando un efecto di respectivamente, 2.98, 1.48, 1.45 y 0.40 ppt. E subidanan den e restante sectornan a contribui cu un efecto di 0.42 ppt riba e CPI di december 2021 – december 2022.
E subidanan aki a contraresta parcialmente p’e caida den e indicenan di e sectornan di “Comunicacion” (-8.1%) y “Mobilario” (-3.4%), cu a contribui cu un efecto di respectivamente, -0.68 y -0.32 ppt. E subida den e sector di “Vivienda” causa principalmente p’e subidanan di respectivamente, 23.0% y 19.0% den e categorianan “Electricidad, gas y otro combustible” y “Suministro di awa y otro servicionan relaciona cu vivienda”,
causando un efecto di respectivamente, 1.74 y 0.89 ppt. E subida den e sector di “Transporte” a wordo causa door di principalmente subidanan den e categorianan “Compra di vehiculo” (21.3%) y “Gasto relaciona cu uso di vehiculo di transporte personal” (22.2%), causando un efecto di respectivamente, 0.93 y 0.52 ppt. E subida den e sector di “Cuminda
y bebida no-alcoholico” a wordo causa principalmente door di un subida di 13.5% den e categoria “Cuminda”, causando un efecto di 1.31 ppt. E subida den e sector di “Restaurant y hotel” a wordo causa principalmente door di un subida den e categoria “Cuminda pafo di cas” (8.0%), causando un efecto di 0.36 ppt.
E caida den e sector di “Comunicacion” a wordo causa door di un caida di 7.8% den e categoria “Servicio di telefon y fax”, causando un efecto di -0.63 ppt. E caida den e sector di “Mobilario” a wordo causa principalmente door di un caida den e categoria “Aparato pa uso domestico” (-9.4%), causando un efecto di -0.25 ppt.
Canasta di consumo
Den e ultimo aña cu a pasa 64.0% di productonan den e canasta di consumo di e CPI a conoce un aumento di prijs causando un efecto di 7.81 ppt, mientras cu 24.8% ta mustra un caida di prijs, cu a contribui cu un efecto di -2.08 ppt y pa e restante 11.3% no tawata tin cambio den prijs. Prijsnan di bienes a subi cu 9.3% y a causa un efecto di 5.34 ppt. Prijsnan di servicionan
a conoce un subida di 0.9% y a causa un efecto di 0.39 ppt.
Bestaansminimum
Den e ultimo diesdos (12) lunanan e bestaansminimum pa un hogar consistiendo di dos (2) adulto y dos (2) mucha (edad 0-15 aña) e registra un subida di Afl. 469. E subida aki a wordo causa principalmente door di subidanan den e sectornan “Cuminda y bebida no-alcoholico” (Afl. 262) y “Vivienda” (Afl. 176).
Cambio di prijs di petroleo, utilidad, gasolin y diesel
E prijs promedio pa bari di petroleo a conoce un subida di US$ 5.39 (7.5%) di US$ 71.41 na december 2021 pa US$ 76.80 na december 2022.
E prijs promedio pa bari di petroleo pa aña 2022 a conoce un subida di US$ 27.36 (40.4%) compara cu e di prijs promedio pa bari di petroleo pa aña 2021, di US$ 67.78 pa US$ 95.14.
E indice di Energia a subi cu 17.6% den e ultimo aña. E indicenan di “Gasolin” (5.2%) y “Diesel” (29.0%) a registra subidanan, causando un efecto di respectivamente, 0.25 y 0.10 ppt. E indicenan di “Electricidad” (22.7%) y “Awa” (23.1%) a registra subidanan, causando un efecto di respectivamente, 1.65 y 0.84 ppt. E restante 404 bienes y servicio hunto, a conoce un
subida di 3.4% y tawata tin hunto un efecto di 2.89 ppt.
Cambio di prijs di Cuminda y servicio di catering
Den e ultimo diesdos (12) lunanan e indice di “Cuminda & servicio di catering” a subi cu 11.7%. E indice di “Cuminda na cas” a conoce un subida di 13.3%, unda tur e diesun (11) indicenan di e gruponan di “Cuminda na cas” a subi durante e periodo aki. E indice di “Lechi, keshi y webo” a conoce un subida di 17.3%, e subida mas grandi entre e gruponan di “Cuminda na
cas”. Ademas otro subidanan significante a wordo registra den e indicenan di “Batata, yuca y batata dushi” (15.6%), “Carni” (15.3%), “Pan y otro productonan di grano” (14.9%), “Azeta y otro productonan traha di vet” (14.3%), “Pisca y otro cuminda di lama” (13.6%), “Bebida no-alcoholico” (11.6%), “Sucu, jam y otro tipo di cos dushi” (10.5%) y “Berdura” (10.4%).
E indice di “Cuminda pafo di cas” a registra un subida di 8.0% den e ultimo diesdos (12) lunanan.
