Posted on 01/27/2023 11:12 am AST | Updated on 01/27/2023 11:17 am AST
ORANJESTAD – Rijksministerraad (RMR) a bay di acuerdo pa revoca e recorte salarial pendiente pa empleadonan publico y semi publico na Aruba. Asina prome minister Evelyn Wever a confirma awe mainta tempran. Cu esaki, Aruba ta haya ‘luz berde’ pa paga a empleadonan publico y semi publico nan salario completo atrobe. Sinembargo esaki no ta conta pa cuido medico ainda. Den un relato adhunto den e portal aki, por tuma nota di e ‘peticion’ di e trahadonan den cuido medico cu a manda un carta pa minister Dangui Oduber pa tambe revoca e recorte. Premier Wever sinembargo awe mainta den conferencia di prensa a admiti cu esey si ainda no ta cla y e ta keda un punto di preocupacion.
