Recientemente a tuma luga eleccion pa un president y directiva nobo pa sindicato SIMAR. Josephine Albertus tabata presidente pa e ultimo cuater añanan. El a lucha y a marca un barera hopi halto pa cu e sindicato. El a hiba hopi lucha y protesta na bienestar di e maestronan na Aruba. Awo, ta cuestion di mira si e presidente nobo lo surpasa e barera aki. E echo ta cu; na final di dia tin cu traha pa e miembronan. Di parti Headlines Group, kende ta e cas editorial di 24ora.com ta desea e presidente nobo hopi exito den su funcion nobo.
Simar kier a gradici comision di caha, Randy Tromp, Dino Quandt y Otami Thomasia pa controla e proceso di eleccion. Alabes un palabra di hopi forsa y dedicacion na e directiva nobo.
1. Sra. Angelique Quijada ( Presidente)
2. Sra. Jahaira Falcon (Tesorero)
3. Sr. Anthony Figaroa ( Secretario)
4. Sr. Dwight Mata ( Comisario)
5. Sra. Della Lopez ( Comisario)
6. Sra. Zelda Steenen ( Comisario)
Na final a gradici Josephine pa a representante dignamente durante e ultimo 4 aña. Tambe un gradicimento special na Tricia Everon pa contribucion durante e ultimo añanan.
