Den e ultimo temponan, por a nota cu fraccion RAIZ den parlamento tabata relativamente keto durante e ultimo temponan.
Vice-presidente di Parlamento y parlamentario di fraccion RAIZ, Raymond Kamperveen, a indica cu fraccion di RAIZ ta bezig ta follow up riba mocionnan cu nan a entrega y cu nan kier cambia y cosnan cu mester haci. Segun Kamperveen, constantemente e ta follow up riba e proyecto Eagle LNG, door cu 2024 ta ey mes, tras di porta. RAIZ no ta wak niun movecion y e parti mas importante cu RAIZ ta para p’e, ta naturalesa y nan lo desea di ricibi informacion tocante e Environmental Social Impact Assesment.
El a sigui bisa cu ta door di busca informacion, nan a bin haya sa cu e ta actualmente e ta na e Departamento di Naturalesa y Medio Ambiente. Si el a haya su aprobacion, Kamperveen no ta na altura pero e mester di dje pa haya su ‘Vestigingsvergunning.’ RAIZ ta para pa cambio, manera hydrogen, etc. Y LNG ta e transicion. Pero segun Kasmperveen, esaki mester bay man den man cu naturalesa y mester tene cuenta cu esaki.
RAIZ a haci pregunta riba cual nan a haya contesta pero mirando cu e siman aki LNG a duna un presentacion na Gobierno, ta na su luga pa nan bin Parlamento pa wak con leu nan ta, ya cu nan tin hopi tempo sin sa di nada di nan. No solamente pa nan como RAIZ, pero tambe pa henter Aruba. Pa nan sa con nan ta para cu e proyecto aki.
Pa mas informacion Lesa mas den TREMPAN.
