Diabierna merdia, den careda di 1:30 pm, a sosode un accidente n’e crusada di Waterweg y Middenweg. Ta trata aki di dos vehiculo cu a dal den otro, stagnando asina trafico di pariba y panort.
Ta trata aki di un auto matricula Baby, cu no a duna preferencia na trafico man drechi, causando asina e accidente.
No tabata un accidente serio, pero a crea un situacion di trafico cu a haci cu tabatin un fila basta largo di pariba (na altura di ex-Burger King) te pabao.
Polis di trafico tabat’ey presente p’asina haci su marcamento y pa despues hala e autonan p’e trafico por sigui su curso.
