Posted on 02/10/2023 3:08 pm AST | Updated on 02/10/2023 3:13 pm AST
ORANJESTAD – E colegio di supervision financiero pa Aruba CAFt kier pa gobierno kita Aruparking y AruTram for di Arubus y laga esaki bay pa instancia priva. Esaki pasobra ta dos compania cu gobierno no mester ta envolvi den dje y e ta chupa basta placa di e presupuesto di gobierno. Asina e colegio a bisa diabierna durante nan conferencia di prensa despues di nan bishita pa Aruba. Riba pregunta di noticiacla despues, e presidente nobo Liderwjde Ongering a confirma cu a pidi pa gobierno enberdad saca e dos companianan aki afo. Aworaki ambos ta resorta bou di Arubus, y ta enberdad chupa e placa aki sin cu tin mester.
