Posted on 02/10/2023 9:25 am AST | Updated on 02/10/2023 9:26 am AST
ORANJESTAD – Prome minister di Corsou Gilmar ‘Pik’ Pisas tabata na Aruba diahuebs pa entiero di ex Parlamentario Melvin Tromp, pero den calidad di amigo personal. Nan dos tabatin un amistad hopi cera, cu a pone cu Pisas tabata presente pa despedi di su bon amigo. Den pasado recien, tabata Melvin Tromp cu a invita su amigo Pisas bin Aruba net despues cu e la bira prome minister di Corsou. E ora hopi hende a haya sa di nan amistad y cu si bo tabatin mester di contacto cu e prome minister, Melvin tabata e persona di contacto. E entierro mes a duna Melvin su honor, unda cu a pasa na Parlamento prome y despues Cas di Partido AVP pa despues Misa Santa Teresita na San Nicolas. Cu Melvin Tromp sosega na paz.
