SAN NICOLAS – Awe diasabra madruga pa 3:55 or SMAC conhuntamente cu Cuerpo Policial a start e tan gusta Jouvert Morning. Tabatin seis grupo y of sistema musical durante e parada aki cu ta Grill 21 Sound System, Groove Masters, DJ Diablo & Friends SS , Tsunami y Mike’s Disco. Tabatin hopi hende mes riba pia y esey a crea un ambiente sigur.
POLIS Y DETENCION
Pa loke ta e control policial, tabatin 128 polis riba pia pa e parada aki. Diferente departamento di Cuerpo Policial a traha hunto entre otro Mobiele Eenheid,, Polis Uniforma, Departamento di Recherche, Personal administrativo, departamento di trafico y planologie, AE, Mobiel Commando y como tambe personal di CEA. Tabata pa awe mainta 9or cu e parada a yega su final. Pa loke ta e detencionan, esakinan tabata varia entre posecion di arma blanco, droga, bringamento, buracheria y no sigui ordo di polis. E suma total cu polis a logra multa pa loke ta Faya bo Haya ta Afl. 12970,-, mientras cu e multa di mas halto cu a ser duna ta afl 1800,- na un persona . Mester bisa cu ultimo biaha cu tabatin Jouvert Morning, tabata na aña 2020 unda cu tabatin 21 detencion. Potret ta di SMAC.
