Despues di Lighting Parade y na diferente punto strategico, unidad motorisa a eherce control di trafico.
Aki a controla e chauffeurnan pa stuur vehiculo di motor bou influencia di alcohol. Incluso tabata pidi e chauffeurnan tur documento di auto, pa mira cu esakinan ta na ordo. Durante e control un total di tres persona a keda deteni pa stuur auto bou influencia di alcohol.
Cuerpo Policial ta keda conseha si bo ta bebe no stuur. Unidad motorisa lo keda controla prome, durante y despues di evenementonan di carnaval.
