Siman pasa Arubaanse Voetbal Bond (AVB) a informa cu nan mester a cancela e encuentro futbolistico di seleccion femenino na Honduras debi na scol. Algun di e hungadonan ta studiando na Colegio y tin CP pa traha.
Endy Croes, Minister di Enseñansa y Deporte, ta lamenta e situacion aki. E mandatario ta traha hopi di cerca cu AVB encuestion cu renobacion di stadion. E federacion tambe mester cambia nan schedule y pone e weganan na otro stadion. Comunicacion ta basa riba semanal pa coordina tur cos bon y na ningun momento a scucha e topico aki.
E ta recorda cu aña pasa tabatin un situacion similar cu baseball, di cual e seleccion a hera keda sin bay. Tabata trata di tres hungado clave cu ta na Colegio. Croes a enfatisa cu Colegio Arubano ta cay bou dje maneho di SVOA, cu ta un fundacion. Ningun minister no por tuma decision den un fundacion, pero por pidi como vision di gobierno pa cooperacion. Esey tabata un situacion cu si a yega na su conocemento via e federacion di baseball.
Pa yuda nan, Minister di Deporte a manda un carta n’e scol. Aki a splica riba e vision den deporte y enseñansa. Asina ey e scol a coopera y a reorganisa agenda di examen e tempo ey, cual seleccion por a biaha.
Segun Croes, el a bin tuma nota di esaki despues cu e decisionnan tabata tuma caba. “Mi no sa, si mi por ta mi por a haci diferencia”, el a expresa. Incluso e ta enfatisa cu si e tabata sa di trempan, nan lo por a manda un carta mesun cos y a haci extra esfuerso, pasobra e ta kere den deporte.
Pa mas lesa TREMPAN.COM.
