fbpx
March 24, 2023

CURPA: Gobierno a permiti turista gay haci di centro di ciudad un Campo Alegre

Share on Facebook
Share on Whatsapp
0
0
CURPA: Gobierno a permiti turista gay haci di centro di ciudad un Campo Alegre
CURPA: Gobierno a permiti turista gay haci di centro di ciudad un Campo Alegre


Dia 8 di september 2016, lider di partido MEP hunto cu lider di Democracia Real a entrega e Amienda 7 pa “Geregistreerd Partnerschap”  y e resultado di votacion tabata cinco contra y diesun na fabor y cinco cu no ta ni carni ni pisca a nenga di vota. Dia 4 di September 2016 tabata tin un manifestacion dilanti Parlamento caminda mayoria grandi tabata esunnan di fe catolico. E tempo ey a boicotia e manifestacion pa e pastoornan cristian, paso nan no ta subi caya. Nos ta contento cu awor si nan a dicidi di subi caya aunke sin respeta nos leynan. Awor ordo no ta conta. Mester remarca cu e manifestacion aki tabata conta cu permiso y no manera esun cu a tuma luga diabierna dia 10 di februari 2022. Partido MEP a keda di pasa un ley den 6 minuut contra abuso di mucha pero te dia de awe nunca el a tuma luga y nos situacion ta mas pio cu na 2017. A yega na nos oido cu tin un otro grupo di pastoor cu lo lanta un partido politico en bes di uni na partido Curpa cu ta e unico partido cu ta para pa e famia.

Despues cu e Amienda a wordo aproba den Parlamento lider di MEP den un comunicado di prensa a declara cu el a cumpli cu deseo di pueblo di Aruba. E lider di MEP a pasa den un scual door cu e pueblo di Santa Cruz tabata masha rabia. E lider a haci promesa na su pueblo cu e lo no permiti pa e ley pasa den parlamento y asina convence pueblo votado pa deposita nan confiansa den partido MEP. Asina aki dia 22 di September 2017 partido MEP a keda e di dos partido mas grandi di Aruba y forma gobierno cu e partido cu a expresa cu nan no ta forma parti di e complot y partido AVP mester a bay oposicion. Partido AVP a bandona gobierno y a laga e codigo civil cu ta regla e “Geregistreerd Partnerschap” drumi den lachi sin bay Parlamento. Gobierno di partido MEP a forma coalicion cu partido POR y partido RED. Mesun partido MEP aki a presenta e codigo civil den Parlamento y a wordo trata dia prome di maart 2021. 

E crucero a yega den un bon tempo pa asina habri wowonan di nos pueblo con e lifestyle nobo pa  Aruba ta. Polis a wordo critica pa no haci su trabao manera debe ser. Segun nos por a compronde cu polis no tabata sa unda pa cuminsa paso nos centro di ciudad a wordo invadi. E crucero a bin riba invitacion di gobierno y a converti nos centro di ciudad den un campo alegre. Nos partido no tin nada contra di ningun hende paso cada ken ta responsabel pa nan actonan y nan mester paga p’e. No por ta asina si cu no ta respeta nos isla y ta haci actonan inmoral. Unico caminda cu ta permiti sorto di cosnan asina ta den barnan na San Nicolaas y no riba caya sino den privacidad. Ni striptease ta permiti den nos night clubnan. Si nan ta hacie mes e ta contra di ley y nan ta core e riesgo di perde nan permiso pa opera e negoshi. E doño tur tempo ta responsabel pa su negoshi. Walt Disney ta casi bay failliet door di inmoralidad hasta den peliculanan pa muchanan chikito.  E suceso aki a pone un mancha scur riba nos isla y turistanan lo no bin Aruba cu nan famia pa presencia cosnan bochornoso asina. 

Na 2016 a aproba Amienda di chiripa cu diesun voto na fabor y cinco voto contra y cinco a abstene di vota. Ken ta esunnan cu a vota pa aproba e Amienda ta partidonan MEP cu ta mama di e Amienda y partido PDR cu ta tata di e Amienda y partido AVP cu ta complice di e Amienda. Dia prome di maart 2021 Parlamento a los laga bay y a vota diesshete na fabor y cuater a vota contra. Pueblo di Aruba por tin e siguransa cu partido MEP lo tira pueblo un otro curva pa despues canta strike tres y a termina e “perfect game”. Pueblo di Aruba lo keda cu e bate riba su schouder sin cu por a haci nada y asina corona nan celebracion cu un broche de oro.

A tilda partido Curpa di ta e unico partido cu ta contra matrimonio di mesun sexo. Na 2017 partido PPA/UPP no tabata contra y na 2021 a bisa cu nan lo abstene di vota. Nos ta contento di tende cu awor partido PPA ta contra. Pueblo laga nos tene nos fe y speransa den Dios. Esunnan cu bay contra e leynan di Dios lo mester duna cuenta na Dios.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.