Den un comunicado recien, parlamentario di AVP, dr. Rycond Santos do Nascimento a declara cu Miguel Mansur, lider di Accion21 ta un peliger pa democracia.
Esaki ta relaciona cu e manifestacion di e asociacion di pastoornan cristian dilanti di Bestuurskantoor, unda cu segun Santos do Nascimento, Mansur ta kere e tin e derecho di silencia e pastornan a base di e separacion di Iglesia. Segun e parlamentario di Accion21, e ta respeta e parlamentario di AVP, pa su preparacion academico.
Pero esaki ta un les pa e hobennan cu kier drenta e partidonan bieu, con esakinan ta putri un hende di paden. Segun Mansur, su colega Santos do Nascimento a comparti cu ne y su coleganan cu e ta comparti e pensamento di ta na fabor di matrimonio di mesun sexo. Pa Mansur, ta obvio cu e ex-parlamentario di AVP, Robert Candelaria, tabata e candidato di AVP den misa, lo no sigui den politica. Esaki ta haci cu AVP y MEP ta gusta tira anzue tur caminda pa nan busca voto. Kisas ta partido a mand’e of Santos do Nascimento den e ultimo eleccion su cantidad di votonan a baha. Ta un parlamentario capacita cu bon preparacion academico ta hiba un politica di sensacionalismo, pa purba gana voto. Esey sigur no ta e politica cu lo kier mira. Unabes cu ta traiciona bo mesun principionan, bo no bal nada como politico y tampoco como persona.
Pa mas informacion Lesa mas den TREMPAN.
