Mainta diahuebs polis a bay banda di waf crusero pa atende un doño di un compania cu ta huur UTV. Nan ta laga un of mas UTV para cerca di e area pa ora crusero bin e ta mas facil pa e turista bay cu ne. Diahuebs un UTV a disparce. Polis a tuma tur informacion y pasa esaki pa demas coleganan riba caya. Mesun mainta nan a topa cu e UTV den Rooi Frances pa Rooi Taki. A duna ordo pa para. Dos homber tabata cu e vehiculo. A detene ambos y hibanan warda. Joyriding team tambe a presenta. E vehiculo a tume den beslag como parti di e investigacion. Ambos sospechoso mester duna cuenta riba e vehiculo horta cu tin denuncia haci riba dje. Nan trip cu UTV horta tabata cortico.
