Diadomingo anochi tabatin un pelea na altura di Tio Pepe. Polis a presenta n’e sitio lihe despues di a tende cu tabatin arma envolvi.
Nan a yega n’e sitio y a haya informacion cu esunnan problematico a bandona. Segun informacion n’e sitio, nan tabatin arma den nan poder. Testigo a duna polis informacion di un auto blanco.
Polis a cuminsa busca e auto. Nan a bin topa cu un auto Hyundai blanco, cual tabata e descripcion cu polis a haya. Di biaha a duna ordo n’e chauffeur p’e stop. Polis a rista den e auto, pero no a topa cu ningun arma. Tambe nan a controla tur persona si nan por tabatin e arma riba nan, pero no a topa nada.
