Un rato pasa a drenta informacion di un situacion di rehen na Madiki. Mesora a activa tur e unidadnan concerni pa asina atende cu e situacion aki.
Ta trata di un yiu cu tabata tin su mama reteni como rehen, pero despues di un rato e persona lo a lag’e bay. Slachtofferhulp tabata na e sitio pa asina brinda asistencia.nAutoridad a cera e caya pa asina nan purba pa tene e situacion calmo, pa asina tur hende por a Sali di e situacion aki, sano y salvo.
Polis a haci tur su posibel pa asina evita di haci uzo di forsa, pa evita cu e situacion por bay for di man.
Informacion cu 24ora.com tin ta cu posiblemente e yiu lo ta sufri di un of otro problema mental, pa cual a haci uzo di hopi tactica pa evita cu e situacion bay for di man.
Na final, e polisnan a logra deten’e e persona aki, un hende homber, cu tabata tin su mama como rehen.
Investigacion lo mester duna kico exactamente a pasa cu e situacion a escala.
Asina cu nos tin mas informacion, lo suministra esaki na nos lectornan.
