Diahuebs mainta a tuma luga den sala di Parlamento, e reunion publico tocante caso Tofanelli, caminda cu Edison (Eddie) Briesen, como Minister di Turismo e tempo ey lo a cera un contract pa Aruba Music Festival pero no a cumpli cu e contract.
Dado momento tabata mustra cu fraccion di AVP no ta riba un solo liña tocante e caso aki, pa cual Ryҫond Santos do Nascimento, Parlamentario di AVP, a cuminsa na bisa cu un biaha mas tin falta di transparencia den Parlamento. El a indica cu cu fraccion di AVP no ta haya tur documento cu ta caba locual ta democracia n’e pais aki. Segun e parlamentario, na mas di un ocasion el a analisa kico tabata e base legal di e caso aki.
Na mas di un ocasion e parlamentarionan di MEP a bin den prensa y bisa cu Hof a exonera Edison (Eddie) Briesen, cual no ta e caso. Hof a indica cu Edison Briesen a actua contra di e Ley di Compatibilidad y cu el a actua di forma ilegal contra di pais Aruba. Esaki ta e motibo tambe pa cual a manda e caso bek pa Corte di Prome Instancia. Es decir, hof no a exonera Edison (Eddie) Briesen. Tambe Ryҫond a cuestion su colega Mike de Mesa no a reacciona riba esaki.
Den Parlamento tabata tin Dangui Oduber, Xiomara Maduro, Evelyne Wever-Croes y aparentemente Mike de Meza tambe, cu no kier pa Edison (Eddie) Briesen wordo responsabilisa pa e debe aki. E ora e pregunta ta, si tur e ministernan cu no kier responsabilisa Edison Briesen pa e debe aki, pa e wordo exonera entre tur e ministernan aki ta parti e debe entre nan. Asina ta soluciona e problema.
Pa un relato mas amplio, lesa TREMPAN.
