Un produccion di Pitbull Singing Production bow guia di Ruth Gaarie. E cancion ta un composicion di Stephanie Gravenhorst y aregla pa Shuby Lanoy.
Studio Recording y mastering tabata den man di Migi Boss, Elton Trimon y Diego Henriquez. Un cancion combinacion di e dushi ritmonan di wals y tumba. Cancion cu ta papia pa nos bay pafo pa disfruta di nos dushi isla, nos isla cu tin hopi pa explora y su bunitesa sin fin. Yena cu colornan bunita. Ban explora Aruba di pariba te pabou, paso Aruba ta grandi di rikesa pa wak y bishita. Y no lubida di bebe e awa di coco pa kita e calor.
Hiba e muchanan pafo pa nan por aprecia y siña di nos isla. Aruba tin hopi aventura pafo cu ta warda nos biba nan. Cancion obtenibel cerca tur radio emisora. Pidi bo locutornan faborito toca e cancion di Carolyne Kock Aruba Ban Pafo y sali disfruta di nos isla.
