Diabierna 17 maart 2023 pa 7:00 anochi lo tuma inicio di Torneo Himno y Bandera di Bolas Criollas na Papaya Ranch. Cu un record di inscipcion, lo tin participacion total di 20 ekipo den categoria di cabayero y 19 ekipo den categoria di dama.
Diasabra 18 maart 2023 pa 10:00 mainta lo tin canto di Himno y hisamento di Bandera pa despues e ekiponan sigui bataya p’asina anochi tin e gran final pa haya resultado di Campeon, Sub-Campeon, di tres y di cuater luga den cada categoria.
Tambe lo tin Miho Boche y Miho Arrime den cada categoria. Pa culmina e torneo lo tin ambiente musical di One of A Kind desde 7:00 anochi, bin baila y goza!
Papaya Ranch ta invita henter pueblo di Aruba pa apoya nos ekiponan di bolas criollas y pasa dia cu famia y disfruta di un bar bon surti y cushina crioyo crioyo!
Ban hunto celebra nos Dia Nacional y engrandece bolas criollas y deporte di Aruba en general.
