Den careda di 2:00 pm, polis a bay den Avenida Milio Croes, na altura di Feng Wei Supermarket, unda cu tabatin un accidente basta fuerte.
Un Suzuki, colo blanco SX4, numera A-13492 a dal contra di un Suzuki Vitara, colo cora, numera A-47333, cu na su turno a bay dal den un Pickup Nissan dobel cabina, colo shinishi, numera A-5622 staciona dilanti di un petshop.
Kico exactamente a sosode cu e accidente aki no ta conoci ainda. Pero un cos ta bisto cu velocidad a hunga un rol den e accidente aki. E front di e Suzuki blanco a bay por completo.
Polis tabata n’e sitio, como tambe ambulance pa atende cu un di e chauffeurnan.
Polis n’e sitio a haci nan investigacion referente e accidente aki. Roadservice n’e sitio tambe a presenta p’asina tuma nota di e suceso.
Daño material pa loke ta trata ambos Suzuki, ta considerabel.
