Tur hende ta pendiente p’e fin di siman aki. Dia 18 di maart lo bay tin un evento masha dushi na Royal Aruba Aloe, caminda abo y bo famia por bin pasa hunto.
Thessaly Zimmerman tabata hunto cu nos y a conta cu nan ta super entusiasma p’e dia, unda cu lo bay tin e evento grandioso n’e fabrica y museo completamente renoba aña pasa.
E evento aki ta cuminsa pa 9:00 am y lo caba pa 5:00 pm. Lo bay tin diferente vendor, unda cu lo haya diferente cuminda manera concomber stoba, stopi di carni, papaya stoba, yen di cos dushi. Tur cos cu bo ta anhela riba dia 18 di maart, lo bo haya na Royal Aruba Aloe.
Terrick Croes, Tour Guide na Royal Aruba Aloe, ta conta cu e evento aki no solamente ta importante p’e compania, pero tambe pa henter e comundidad di Aruba, pasobra lo celebra naturalmente nos Himno y Bandera y tambe celebra cu tur hende pa disfruta di un ambiente crioyo y sa un tiki mas di aloe, siña nan con a cuminsa cu Aloe y kico tur ta haciendo cu e producto. Ta un evento cu realmente bo por disfruta di nos cultura.
Terrick ta sigui conta cu e tienda tabatin varios luna den proyecto. E tabata cera, pero awo ta contento di bisa cu a habri fo’i luna di november. Ta encurasha tur hende pa bin bishita y mira e tienda nobo.
No mester lubida cu esaki no t’e unico parti cu lo ta renoba. E lo t’e prome pida. Ainda tin full un renobacion grandi cu lo tuma luga. Bo por bin bishita paso pa paso y disfruta di Royal Aruba Aloe.
DI DOLLAR PA FLORIN
Thessaly a conta cu tur producto cu tin den e 17 tiendanan cu tin na Aruba, bo por haya bo productonan faborito, incluyendo e liña di bath, body, scrubs y tambe e famoso sunblock, probecha y pasa n’e cualkier di e tiendanan di dollar pa florin.
BIN DISFRUTA
Ta encurasha henter pueblo di Aruba pa bin disfruta di dia 18 di maart na Royal Aruba Aloe. Lo tin actividad pa mucha grandi, chikito, lo tin cuminda, musica, un tremendo ambiente cultural lo tin eynan. Bin cu henter bo famia y pasa dushi.
Pa loke t’e bandanan di 9:30 pa 11:30 am lo tin Sodo y Cuero. Despues di 12:00 pm pa 2:00 pm lo tin Rincon Boyz y di 2:30 pa 4:30 pm lo bay tin Tsunami.
Ambiente lo tin. Asina ta comunida di Aruba, un caminda bo mester ta na Royal Aruba Aloe. Bin come bo cuminda crioyo y pasa un rato dushi cu bo famia. Tin yen di cos, musica, pasaboca, cuminda. Bin disfruta di e un 18 di maart na Royal Aruba Aloe.
