Stellaris Casino a prepara un campaña special pa celebra Dia di Himno y Bandera cu tur local y turista cu ta bishita e casino. “Deal The Cash” ta duna bo e oportunidad di gana 7.500 dollar entre 18 y 19 di maart.
Cu cada 25 punto den mashin di slot bo ta ricibi un ticket. Tin cuater orario pa saca cuater ganado cada ora : 7:00 pm, 8:00 pm, 9:00 pm y 10:00 pm.
Deal The Cash lo tin diferente premio special. Pa e prome 250 punto gana entre 16 di maart te cu 18 di maart, lo ricibi un t-shirt gratis. Ademas e premio ta inclui $25 Free Play y mester reclama esaki dia 18 di maart for di 8:00 am te cu 11:59 pm. Tur cliente di Stellaris Casino ta ricibi un cocktail y un sweet box ora nan yega Stellaris Casino entre 6:00 pm te cu 8:00 pm.
Pa e dianan aki di promocion, Stellaris Casino ta presenta entretenimento en bibo pa su hungadonan fo’i 7:30 pm te cu 11:30 pm den Lounge 101. Stellaris Casino durante henter aña, ta bin cu promocionnan innovativo.
Aruba Marriott Resort & Stellaris Casino a habri na aña 1995 cu 411 camber y despues a añadi 3 camber mas na aña 2018. Na aña 1999 a habri Ocean Club cu 311 camber y na aña 2004 a habri Surf Club cu 900 camber. En total, e famia di Aruba Marriott ta consisti di mas o menos 1200 empleado den servicio directo. E compleho di Aruba Marriott ta esun di mas grandi den henter Caribe, tanto den cantidad di camber como den cantidad di empleado.
