E siman aki ta celebra Siman di Migracion unda cu diferente departamento di husticia, manera entre otro Kustwacht, Brandweer, Migracion, tur a bin hunto den actividadnan deportivo y social.
Direccion di Inmigracion, Andrew Hoo a expresa cu e siman aki nan ta celebrando Siman di Migracion hunto cu otro partnernan, manera Triple A, Inmigracion, KPA y demas departamentonan cu ta resorta bou di e cartera di husticia. Meta di e actividadnan aki ta pa trece e departamentonan aki hunto, pa asina pasa un rato ameno cu otro, pafo di ora di trabou pa asina reenforsa e cooperacion entre e diferente departamentonan. E manera social aki, door di organisa diferente actividad ta pa crea union den e cadena hudicial por medio di intercambio deporte.
Diamars nan a cuminsa cu beach volleybal, na eagle beach, diaranson tabata domino cu a tuma luga na Club Primavera. Den fin di siman lo sigui cu e diferente actividadnan y diadomingo lo cera e siman di Inmigracion c’un dinner pa e empleado- y invitadonan.
Den e siman aki tabata tin varios actividad caminda varios trahado na airport tambe a participa. Tur esaki ta pa trece union den e diferente departamentonan hudicial.
Por ultimo, Hoo a gradici tur e trahadonan di migracion cu participa den e actividadnan aki y a duna palabra di pabien na tur e trahadonan pa nan bon trabou desplega.
