Posted on 03/17/2023 9:39 am AST | Updated on 03/17/2023 9:40 am AST
HAMBURG – E personal di varios aeropuerto na Alemania ta welga atrobe. Dialuna caba trahadonan di aeropuertonan na Hamburg, Hannover y Berlin-Brandenburg a pone trabou abou, y desde diahuebs anochi tin welga na e dos aeropuertonan mas grandi di Colonia/Bonn y Düsseldorf. Tambe tin buelonan cancel na Stuttgart en Karlsruhe. Tin por lo menos 681 buelo anula y 90 mil persona afecta. E welganan ta debi na negosacionan cu a pega riba salario y pago overtime pa oranan irregular di trabou. Esaki ta nifica p.e. cu na aeropuerto di Düsseldorf, dos tercera parti di tur buelo lo no sigui.
