Diabierna, dia 17 di maart, na bispo di Dia di Himno y Bandera, despues di un periodo tres aña cu no a tuma luga, por fin pueblo por a reuni hunto pa celebra Nos Himno y Bandera manera custumber, cu un show nunca bisto.
Tabatin presentacion di diferente artista riba escenario, cu a sa di canta e cancionnan dedica na nos Himno y Bandera, algo cu sigur a sinti falta di dje. Entre e artistanan a figura entre otro Chris Kross y por ultimo Musical Time a hiba tur hende den pasado cu nan temanan bailabel.
Fuera di e show tambe pueblo por a pasa n’e diferente standnan di cuminda y artesania, como tambe nan por a dal algo sabroso di bebe.
Pa loke ta diasabra, 18 di maart, rib’a e Dia Nacional, lo bay tin e acto protocolar cu lo cuminsa pa 9:00 am. Lo bay tin coro di e muchanan di scol, pa despues tin e desfile di e gruponan uniforma.
Ban demostra nos amor patrio y asisti n’e diferente eventonan cu lo bay tin durante curso di dia, bishita museo, come cuminda crioyo y por lo general, pasa un dushi Dia di Himno y Bandera.
