Diabierna Colegio Laura Wernet-Paskel a celebra en grande Dia di Himno y Bandera. A habri e dia cu oracion, declamacion di poesia, hisamento di bandera y canto.
Scolnan a celebra e fecha aki den grandi, cu varios evento. Hasta mandatarionan a bishita scolnan pa conta e storia di nos himno y bandera. E intencion ta pa inculca nos simbolonan nacional como un orguyo di tur mucha.
